Les mots surlignés font l'objet d'une note
1Monsieur de Gordes, sen retournant le cappitaine Tournet
2de dela et estant en chemin pour men aller en mon
3gouvernement, ainsi que sa magesté ma commandé,
4mesmemant de fère ma chevauchée par tout le gouvernement
5de Daulphiné, je vous ay bien voleu faire ce mot
6pour vous en advertir et vous dire que si votre
7commodité peult permectre de vous en venir me trouver à
8Lyon, je fays estat après y avoir seiourné quatre
9ou cinq jours pour ce pendant donner ordre à tout
10ce quil ce porroyt présenter passer par le Dalphiné
11pour porvoyr avec vous à tout ce qui sera necessaire
12pour lentretenemant de la volonté et intention de sa
13magesté, laquelle jay charge vous faire entendre
14plus amplement, qui est cause que je seray bien
15aysé de tant plus tost vous voir ; ce pendant
16je vous de donner [sic] si bon ordre à tout que
17rien ne ce face au prejudice de sesdits volloir et
18intention suyvant lasseurance que a sadite magesté
19sur vous ; audemeurant despuys que je suys parti
20de la court, sadite magesté ma despechée la letre
21dont je vous envoye coppie, affin que suyvant
22icelle vous faictes entendre aulx villes et
23gentilzhomes et autres de la novelle relligion qui
24porroyent avoir entendeu ce qui seroyt adveneu à
25Rouen dont peult estre cella leur fairoyt entrer
26en quelque dobte ou mauvayse oppinion de sesdits volloir
27et intention qui nest poinct autre que de garder
28et entretenir son edict de pacification faict dernier ; et
29remectant à nostre dite première veue, je prieray à Dieu
30en bonne et heureuse sancté vous donner
31Monsieur de Gordes vie longue, me recommandant de bon ceur à
32vous bonnes graces ; de St-Maturin, le XXVIIe de septembre 1572.
33Vostre plus asuré et entierement
34meileur amy
35H de Montmorancy